Home
25 Avrîl Fieste de Liberazion fieste di ducj
Ai cjadûz pe libertât
'E son muarz pe libertât
e par dânus un onôr
cuintri chêi ch'e àn ocupât
il paîs, puartant terôr.
Lôr pe Patrie 'e àn scombatût:
pa l'Italie e pal Friûl,
volontaris di virtût,
vint pe int afiet e dûl.
E cun lôr 'e jè tornade
un flurî Democrazie.
La bandiere 'e àn svintulade
de justizie e de armonie.
Nol è solo dismenteâsi
dal lôr sanc, dal lôr valôr.
Fradis duc 'si à di cjatâsi,
ma memorie 'e reste amôr
Meni Zannier
(grafie origjnâl dal autôr)
Al è saltât fûr el tomât n° 5
poesie
Vué ai 21 di Març
prime dí di vierte e ...
zornade mondial de poesie ...
https://www.spreaker.com/user/ondefurlane/
la-crame-21-03-2020-dead-poets-ven-l #
vot di març zornade des feminis
8 di Març:
zornade internazionâl dai dirits des feminis
par ricuardâ
lis concuistis sociâls, economichis e politichis
ma ancje lis discriminazions e lis violencis
cuintri lis feminis
Il contribût des feminis ae incressite complessive de societât al è stât regjistrât in ogni cjamp dal savê e des ativitâts.
La fieste dai 8 di Març e à incressût la sô impuartance soredut dal 1975 in ca, di cuant che lis Nazions Unidis a àn dichiarât an internazionâl des feminis ea àn vût impegnât i stâts membris par rivâ ae paritât dai dirits jenfri i doi gjenars .
In Friûl, tiere di emigrazion, par gjenerazions lis feminis a àn vût il dovê di lavorâ, tirâ sù e inscuelâ la fiolance parie cul mandâ indenant la famee cence il jutori dai oms. I lôr sacrificis a àn fat in maniere di mantignî la economie, la culture, la lenghe, la identitât e la vite dai nestris paîs.
Cun di fat, pes feminis, si fevele tant di rispiet e di avualiance, ma cuant che si passe ai fats la situazion e mude. E nol covente lâ indaûr te storie o in paîs lontans par viodilu. Denant di une façade fate di dirits compagns par dutis e par ducj, masse voltis si plate la discriminazion.
Par chest fevelâ di dirits al à ancjemò sens ancje pai dirits des feminis come che si fâs vuê ai 8 di Març. Cu la cussience, però, che i dirits a valin simpri e no dome une dì par an e che, nol baste fevelâ di lôr, mi si à ancje di metiju in vore.