Home
Chest al è il libri dai Furlans.
"Cast al è il libri di un popul, de sô tiere, des sôs cundizios di vite, de sô fede religjose e popolâr, di ce che al è sucedût intai siei milenis di Storie."
Storie dal Friûl e dai Furlans al è il libri di un popul, de sô tiere, des sôs cundizios di vite, de sô fede religjose e popolâr, di ce che al è sucedût intai siei milenis di Storie. De ere glaciâl al om des cavernis, dai tumui ai cjastelîrs, e cussì la rivade dai Venetics e dai Celtis, Rome cul so esercit e la fondazion di Cividât e de grande Aquilee, la distruzion puartade di Atile, le jere dai Langobarts, cuant che i Duchis furlans a deventavin Re di Italie, ai 3 di Avrîl dal 1077, la stagjon milenarie dai Patriarcjis, la Serenissime, lis eresiis e lis arts, il passaç di Napoleon e dopo la Austrie, il Resuriment e il 1866, i agns de fam e lis inovazios dal Votcent, la Grande Vuere, Cjaurêt, il bieni ros e il fassisim, la Seconde vuere mondiâl e la resistence furlane, il Nûfcent e lis sôs tensions di confin, la prime e il dopo Taramot…E su dut, la anime e lis tradizios, che chi a son antighis cetant il timp. l'autôr, dopo agns di studi, ricercje e scriture, nus consegne une opare che e je un lunc, apassionant, viaç intai nestris milenis, ae ricercje des lidrîs profondis di une tiere, il Friûl.
O sês invidâts ae presentazion dal libri di Walter Tomada
Martars ai 5 di Avrîl oris 20.30 intal Centri Meneute di Vile di Buje
Silve Ganzitti al dialogarà cul autôr