Cines tal Curtil
VINARS 12 di setembar
aes vot e mieze di sere
tal curtîl de ostarie di Parùs
a Saramont di Buje
“Lâ vie di là - Furlans dal Est Europe”,
regje di Marco D'agostini, produzion dal Circul Culturâl Lumière.
Nassût di un progjet di Loris Vescovo, “Lâ Vie di là” al è un documentari itinerant che al compìs un percors “on te road” tra Slovachie, Ucraine, Romanie e Ongjarie.
Un lunc viaç di sîs mil chilometris in auto, là che a son stadis racueltis significativis testemoneancis de bande di emigrâts e des gjenerazions sucessivis, partîts dal Friûl dal 1850 al 2009.
Trê a son i ingredients di cheste biele opare: peraulis, imagjinis e musichis, che si fondin e si confondin tra lôr cun maestrie, intun miscliç ben costruît.
"JNK - Oltri La Ultime Frontiere"
regje: Marco D'Agostini musichis : JoNoKognos
Cinc fantats cu la stesse passion pe musiche a vincin, cu la lôr band, un concors par cjançons in lenghe minoritarie in Friûl e a partecipin ae finâl europeane tes Asturiis.
La musiche e il viaç a permetin di fevelâ di tematichis universâls tant che la amicizie, i conflits gjenerazionâi, il fat di vivi intun teritori che al è lontan dai grancj centris, il doprâ une lenghe “minorizade”.
Cun cheste esperience i fantats a son testemonis e interpretis di une gjenerazion dai 30 ai 40 agns li che no mancjin problematicitâts, transizions e insigurecis.